Mu Gushyingo 2014, ku nkunga y’Ishami ry’Umuryango w’Abibumbye ritsura amajyambere PNUD Rwanda, ADBEF yatangije gushyira mu bikorwa umushinga “UBUVUGIZI NO KONGERERA ABAKOZI BO MU RUGO UBUSHOBOZI BWO KWIZIGAMIRA NO GUCUNGA UMUTUNGO” Intego nyamukuru y’uyu mushinga yari igamije imihindukire myiza y’imibereho y’abakozi bo mu rugo binyuze mu: Kubongerera ubumenyi ku buzima bw’imyororokere no kubahugura ku gukumira ihohoterwa rikorerwa mu rugo n’ihohoterwa rishingiye ku gitsina; Ku bahugura ku kwizigamira, gukora imishinga iciriritse, no kwibumbira mu matsinda yo kugurizanya.Abakozi bo mu rugo 105 bakaba barahawe amahugurwa kuri izo nyigisho twamaze kuvuga. Inama ku buvugizi yasobanuraga imibereho y’abakozi bo mu rugo n’uburyo bafashwa ikaba yarahuje abayobozi bo mu bigo n’inzego zinyuranye harimo abaturutse mu nzego z’ibanze, muri Polisi y’Igihugu, Minisiteri y’Abakozi ba Leta n’Umurimo, Komisiyo y’Igihugu y’Uburenganzira bwa Muntu, ndetse n’abaturutse mu bigo binyuranye by’itangazamakuru.
Mu musaruro watanzwe n’uyu mushinga,abakozi bo mu rugo bungutse ubumenyi bwabafashije guhindura imibereho yabo. Bashinze “Amatsinda” yo kwizigamira, buri wese akaba yarafashijwe gufungura konti muri banki bukaba ari uburyo buzamufasha guhora yizigamira.
Ikigeretse kuri ibyo, abakozi bo mu rugo bayitabiriye babashije kunguka amakuru ku migambi y’iterambere ry’igihugu uhereye kuri gahunda zibera aho batuye no mu miryango babamo, bunguka kandi n’ubumenyi kuburenganzira bwa muntu; ndetse ko gukumira ihohoterwa ryabageraho no kwirinda guhohotera abandi. Ubusanzwe, iki kiciro cy’urubyiruko kikaba kitari gisanzwe gifite uburyo cyabonamo ubumenyi n’amakuru bungukiye muri uyu mushinga.\r\nIkindi cya ngombwa twagezeho bwari ubuvugizi bwimbitse mu kurengera abakozi bo mu rugo dufatanyije n’abandi bafatanyabikorwa nka Minisiteri zinyuranye, ibigo, abakoresha, ibitangazamakuru; ubu buvugizi bukaba buzagira uruhare mu kuzamura imibereho y’abakozi bo mu ngo mu buryo bwa vuba ndetse n’uburambye.
Amashusho: Rezida ukuriye Ishami ry’Umuryango w’Abibumbye ritsura amajyambere Mr Lamin M Manneh ashyikiriza Perezida wa ADBEF Ndagijimana Lyhotely seretifika y’ishimwe.
